Hit (1249) MM-117

Naat - Ey Şuaı Lemai Ruhsarı Nuri Kibriya

Eser Sahibi : T. E. Medya Türü : Naat
İlim Dalı : Şiir Konusu : Peygamberimiz
Link :
Ekleyen : /2010-04-14 Güncelleyen : /2010-04-14

NAAT

Ey şuâ-ı lem’a-i ruhsâr-ı nûr-i Kibriyâ
Şûle-i hurşîd alır şem’-i cemâlinden ziyâ
Sensin ey sadr-ı serîr-i lima’allah serveri
Nâsıh-ı edyân-ı sâbık kâşif-i râh-ı Hudâ
Âlem-i lâhût cevlângeh semend-i nâzına
Şâhbâz-ı emrine bir lânedir arş-i a’lâ
Düşmüş olsaydı cihâna bedr-i hüsnün pertevi
Olmaz idi Mısr bâzârmda Yûsuf zî-behâ
Feyz-i nutkun âleme sermâye-i yuhy-il-izâm
Sana ta’zîmen bu mûciz oldu îsâ’ya atâ
Ma’den-i esrâr-ı hikmet meyve-i bâğ-ı vücûd
Sâhib-i mihr-i nübüvvet mazhar-ı sıdk u safâ
Bûsegâh-ı evliyâdır hâk-i râh-ı makdemin
Yâ Resûlallah ki sensin nûr-i ayn-i enbiyâ
Eylemiş dergâhını Mevlâ matâf-ı kudsiyan
Âsitânm kıble-i hâcât-ı erbâb-ı recâ
Bu Garîbi-i hakirin bende-i hâk-i derin
Eyler ümmîd-i şefâat bî-nevâ’dır bî-nevâ

Garibi [Erbillli A’ma Yûsuf] (Ölm. 1794)