Hit (1551) MM-53

Naat - Der Naat ı Seyyid i Kainat

Eser Sahibi : T. E. Medya Türü : Naat
İlim Dalı : Şiir Konusu : Peygamberimiz
Link :
Ekleyen : /2029-03-14 Güncelleyen : /2009-04-14

DER NA’T-I SEYYİD-İ KÂİNAT ALEYH-İ EFD AL-EL-SALAVÂT

Ukde-i ser-rişte-i râz-ı nihânîdir sözüm
Silk-i tesbîh-i dür-i seb’almesânîdir sözüm
Bir güherdir kim nazîrin görmemiştir rûzigâr
Rûzigâr-ı âlem-i gayb ermaganîdir sözüm
Rûzigâr ihsânımı bilmiş benim ya bilmemiş
Âleme feyz-i hayât-ı câvidanîdir sözüm
Ehl olan kadrin bilir ben gevherim medh eylemem
Alemin sermâye-i deryâ vü kânidir sözüm
Bî araz bir gevher-i sâfîdir ammâ muttasıl
Ehl-i tab’ın zîver-i tîg u sinânîdir sözüm
Yâ’ni kim endîşe sencânı cihânın dâimâ
Hem sarîr-i kilki hem vird-i zebânîdir sözüm
Bir benim gibi ciğerdâr ehl-i tab’ olmaz dahi
Gevher-i tîğ-i kazâ-yi nâgehânîdir sözüm
Gamze-i dilber nola reşk eylese endîşeme
Hırz-ı bâzû-yi dil-i sâhibkırânîdir sözüm
Öyle bir pür şivedir gûyâ ki bikr-i fikrimin
Gamze-i merd-efken-i nâmihribânîdir sözüm
Âyet-i Nun Vel Kalem’dir mushaf-ı sinemde ya
Rüstem-i endîşenin tîr ü kemânîdir sözüm
Bir gülistandır hayâlim dil-şüküfte bülbülü
Ol gülistânın lâtîf âb-ı revânîdir sözüm
Âferîniş tûti-i endîşeme bir dâmdır
Kim o dâmm dâne-i pür imtinânîdir sözüm
Kimse inkâr edemez mâhiyyet-i endîşemi
Ehl-i reşkin nüsha-i akd-i lisânîdir sözüm
Âfet-i ayn-ül-kemâl-i reşk kâr etmez bana
Def’-i zahm-ı çeşm-i Hallâk-ı Maânîdir sözüm
Hâk-i pâym sürme eylerse aceb mi rûzigâr
Unsur-i rûh-i KerKâl-i İsfahânîdir sözüm
İşte Hallâk-ı Maânî şimdi geldi âleme
Gûş edin âsârımı kim tercemânîdir sözüm
Sonra gelsem dehre Hallâk-ı Maânîden nola
Kaalıb-i huşk-i hayâle rûh-i sânîdir sözüm
Nüktede âlem harîf olmaz bana, gûyâ benim
Her ne söylersem cevâb-ı len terânîdir sözüm
Her ne söylersem kazâ mazmûnunu isbât eder
Anı bilmez ki hitâb-ı imtihânîdir sözüm
Ben ne keşşâfım ne sâhib-keşf ammâ ma’nide
Mû-şikâf-ı nükte-hây-i âsümânîdir sözüm
Binde bir ma’nâyı nazm etmem yine bir lâfz ise
Yoklasam mecmûa-i râz-i nihânîdir sözüm
Hâsid-i kecrev hayâle rast gelmezse nola
Ehl-i dil yârâna her dem yâr-i cânîdir sözüm
Ben cihân-ârâ şehenşâh-ı cihân-ı ma’niyim
Sözlerin de pâdişâh-ı kâmrânîdir sözüm
Dönse şemşîr-i hatîbe nola şemşîr-i zebân
Mülk-i nazmın hutbe-i emn ü emânîdir sözüm
Tab’ımm bir tercemân-ı ter zebânîdir kalem
Hâmemin bir hem-zebân-ı nüktedânîdir sözüm
Pâsbân olmuş bir ejderdir kalem genc-i dile
Kim o gencin şebçerâğ-ı pâsbânîdir sözüm
Tâ sabâh-ı haşredek bin mübtelâyı mest eder
Bezm-i aşkın neşve-i rıtl-ı girânîdir sözüm 
Rind-i hüşyârım harâbat-ı muhabbettir dilim
Âşık-ı hercâiyim vahdet nişânîdir sözüm
Olalı Peygamber-i Âhirzemân’a na’t-gû
Âb-ı rûy-i Ümmet-i Âhirzemânîdir sözüm
Na’t-ı Şâhenşâh-ı evreng-i nübüvvet kim anın
Feyz-i medhiyle dilin cân-ı cihânîdir sözüm
Cân-ı âlem fahr-i âdem Ahmed-i mürsel ki tâ
Haşr olunca na’t-gûy-i na’t-hânîdir sözüm
Olalı gavvâs-ı deryâ-yı hayâl-i midhati
Gevherî-i tab’ımm zîb-i dükânidir sözüm
Ol kadar elverdi ma’nâ feyz-i evsâfiyle kim
Gûyiyâ miftâh-ı genc-i şâyegânîdir sözüm
Maşrık-ı subh-i hidâyettir senâsıyla dilim
Mihr-i kudsî pertev-i kevkeb nişânîdir sözüm
Kevkeb-efşân âfitâb olmazsa ger ol maşrıkm
Ikd-i pervîn-i güsiste rîsmânîdir sözüm
Başlasam «Mi’râc» ını tahkîka âb ü tâb ile
Gevher-i şehvâr-ı gûş-i Ümmühânıdir sözüm
Addolunmaz mu’cizâtı hadden efzun neylesin
Gerçi kim bir râvi-i mu’ciz-beyânîdir sözüm
Gerçi ben dûrum cenâbmdan hele şükrüm budur
Çihre-fersâ-yı cenâb-ı âsitânîdir sözüm
Nef’i-yim endîşe-i na’tiyle oldum kâmyâb
Nâmurâdân-ı cihâna müjdegânîdir sözüm
Hâk-i pây-i na’tgûyânım ki arş-ı a’zamın
Zikr ü tesbîh-i lisân-ı kudsiyânîdir sözüm
Şâdgâm oldum neşât-ı feyz-i na’t-i pâk ile
Şimdiden sonra duâ-yı şâdımânîdir sözüm
Tâ ki ma’nâ-yı lâtîf-i lâfz-ı reng-âmîz ile
Rûzigârm bir dilâra dâsitânîdir sözüm
Her dem endîşemden olsun rûhuna yüz bin selâm
Arşa dek iysâle peyk-i râyegânîdir sözüm

Neft